अपडेट : इलामको कन्याममा भएको सवारी दुर्घटनामा एक जनाको घटनास्थलमै मृत्यु
इलाम । इलामको कन्याममा भएको सवारी दुर्घटनामा एक जनाको मृत्यु भएको छ ।
ट्रकले मोटरसाइकललाई ठक्कर दिँदा मोटरसाइकलमा सवार व्यक्तिको घटनास्थलमै ज्यान गएको प्रहरीले जनाएको छ।
दुर्घटनापछि स्थानीयवासी र प्रहरी टोली घटनास्थल पुगेका थिए। मृतकको पहिचान हालसम्म खुल्न सकेको छैन भने घटनाबारे थप अनुसन्धान भइरहेको बताइएको छ।
दुर्घटनापछि केही समय सडक आवागमनसमेत प्रभावित भएको थियो।
