धनकुटाको सांगुरीगढी गाउं पालिकाले दियो शोक बिदा
धनकुटा,२९ फागुन । धनकुटाको सांगुरीगढी गाउंपालिकाले शोक बिदा दिएको छ ।
गापाको ३ खुवाफोक निवासी वडा अध्यक्ष टेक प्रसाद लिम्बुको निधनमा आज शोक बिदा दिएको हो ।
पालिका अध्यक्ष जितेन्द्र राईद्वारा हस्ताक्षरित पत्रमा भनिएको छ –
प्रस्तुत विषयमा साँगुरीगढी गाउँपालिका वडा नं. ३, खुवाफोक निवासी तथा साँगुरीगढी गाउँपालिकाको वडा नं. ३ का वडा अध्यक्ष श्री टेक प्रसाद लिम्बुको मिति २०८२/११/२८ गतेका दिन असमायिक निधनको खबरले गाउँपालिका परिवार स्तब्ध भएको छ ।
यस दुःखद् घडीमा दिवंगत आत्माको चिरशान्तिको कामना र शोकसन्तप्त परिवारजनप्रति धैर्य धारण गर्ने शक्ति मिलोस् भन्ने कामना गर्दै आज मिमि २०८२/११/२९ गते शुक्रवार (१ दिन ) गाउँपालिकाको कार्यालय, गाउँकार्यपालिका मातहतका वडा कार्यालयहरु, स्वास्थ्य संस्थाहरु, विद्यालयहरुमा शोक विदा दिएको जानकारी गराईन्छ । यसबाट सेवाग्राहीहरुमा पर्न जाने असुविधा प्रति गाउँपालिका क्षमाप्रार्थी छ ।
