बेलायती आरोही केन्टन कुल २० औं पटक सगरमाथाको शिरमा
काठमाडौं, ८ जेठ । प्रसिद्द बेलायती पर्बतारोही केन्टन कूलले २० औं पटक सगरमाथाको चुचुरो सफलतापूर्वक आरोहण गरेका छन् ।
आज उनी २० औं पटक सगरमाथा आरोहण गरे पछि अहिले ७,२०० मिटर भन्दा तल झरिसकेका छन । यसअघि उनले २०२५ मे १८ का दिनमा १९ औं पटक सफल आरोहण गरेर किर्तिमान कायम गरेका थिए ।
जो विश्वको सबैभन्दा अग्लो हिमालमा कुनै पनि विदेशी आरोहीले सबैभन्दा धेरै आरोहण गरेको आफ्नै रेकर्ड तोडेका हुन । सबैभन्दा बढी सगरमाथा आरोहणको रेकर्ड नेपाली आरोही कामिरिता शेर्पा (३२औंं) र पासाङ दावा शेर्पा (३१ औं) दोर्जी ग्याल्जेन शेर्पा (२४ औं) नाममा रेकर्ड रहेको छ । कुल भने यति धेरै पटक सगरमाथा आरोहण गर्ने पहिलो र एक्ला बिदेशी हुन् ।
उनीसँगै आज दोर्जी ग्याल्जेन शेर्पा पनि सगरमाथाको शिखरमा पुगेका छन, उनले आफ्नो २४ औं सफल आरोहण पुरा गरेका हुन् ।
