झापामा स्कुल बसले किच्दा युकेजीमा पढ्ने ४ वर्षीय बालकको मृत्यु
झापा । झापामा स्कुल बसको ठक्करबाट युकेजीमा अध्ययनरत एक बालकको मृत्यु भएको छ ।
दुर्घटनामा सर्जक एकता बोर्डिङ स्कुल मा अध्ययनरत ४ वर्षीय आरोग्य चिमरिया रहेका छन् ।
प्रहरीका अनुसार बुधबार साँझ करिब ५ बजे गौरादह नगरपालिका–७ स्थित भित्री पक्की सडकखण्डमा लाठीचौरबाट फगेटीतर्फ जाँदै गरेको को १ ख ६९४० नम्बरको स्कुल बसले बालकलाई किचेको हो । दुर्घटनामा बालकको घटनास्थलमै मृत्यु भएको प्रहरीले जनाएको छ ।
बसबाट ओरालेर गाडी अगाडि बढाउने क्रममा बालक बसको चपेटामा परेको प्रारम्भिक अनुसन्धानबाट खुलेको छ ।
घटनापछि बस चालक ५७ वर्षीय लालबहादुर बस्नेतलाई प्रहरीले नियन्त्रणमा लिई थप अनुसन्धान अघि बढाएको छ ।
