इटहरीमा मोटरसाइकल दुर्घटना, प्रशासनका कर्मचारी सहित दुई जनाको मृत्यु
इटहरी । इटहरी उपमहानगरपालिका–७ बालग्राममा मोटरसाइकल दुर्घटना हुँदा जिल्ला प्रशासन कार्यालय सुनसरीमा कार्यरत कर्मचारी सागर रेग्मीसहित दुई जनाको मृत्यु भएको छ।
आइतबार बिहान करिब २ः५० बजे प्रदेश १–०२–०४३ प ५५१४ नम्बरको मोटरसाइकल दुर्घटना हुँदा इनरुवा–३ का ३४ वर्षीय रेग्मी र सोही स्थानका २९ वर्षीय पारस थापा गम्भीर घाइते भएका थिए।
उनीहरूलाई उपचारका लागि बीपी कोइराला स्वास्थ्य विज्ञान प्रतिष्ठान धरान लगिएकोमा उपचारका क्रममा क्रमशः बिहान ४ः५२ र ५ः११ बजे मृत्यु भएको प्रहरीले जनाएको छ।
दुर्घटनाबारे प्रहरीले थप अनुसन्धान गरिरहेको छ।
