भोटेकोशी बाढीमा झन्डै १४ सय जनाको शव फेला
काठमाडौं । रसुवाको भोटेकोशीमा आएको बाढीका कारण मंगलबार बिहान ८ बजेसम्म एक हजार ३९७ जनाको शव फेला परेको छ ।
रसुवामा १८९ जना, नुवाकोटमा २०२ जना, धादिङमा ७२ जना, चितवनमा ३६४ जना, गोरखामा ७८ जना, तनहुँमा ३८ जना, नवलपरासी पूर्वमा २३२ जना र नवलपरासी पश्चिममा २ सय २२ जना गरी एक हजार ३९७ जनाको शव फेला परेको हो ।
फेला परेका शवहरूको पहिचानका लागि डिएनए नमुना संकलनदेखि आवश्यक प्रक्रिया पूरा गरी हालसम्म एक हजार २३० वटा शव व्यवस्थापन गरिएको छ ।
शव पहिचानका लागि मृतकका एक हजार २८६ र आफन्तका एक हजार ८८९ गरी कुल तीन हजार १७५ वटा डिएनए नमुना सङ्कंकलन गरिएको छ । पहिचान नभएको एक हजार ३५५ वटा शवहरूको विवरण नेपाल प्रहरीको वेबसाइटमा समेत अपलोड गरिएको छ ।
बाढी प्रभावित क्षेत्रमा उद्धार, खोजी, राहत वितरण, शव व्यवस्थापनलगायतका कार्यका लागि हालसम्म सात हजार ९७५ जना प्रहरी कर्मचारीहरू परिचालन गरिएको छ । हालसम्म बेपत्ता भएका चार हजार ८९ जनाको खोजी कार्य भइरहेको छ ।
