खुर्पा प्रहार गरी श्रीमतीको हत्या, श्रीमान् पक्राउ
नवलपरासी । नवलपरासी (बर्दघाट सुस्तापूर्व)को विनय त्रिवेणी गाउँपालिकामा श्रीमान्ले खुर्पा प्रहार गरी श्रीमतीको हत्या गरेका छन्।
विनय त्रिवेणी गाउँपालिका–३ चिसापानीका करिब ४३ वर्षीय शेरबहादुर विकले आफ्नी ४० वर्षीया श्रीमती उनिमाया विकको घाँटीमा खुर्पा प्रहार गरेका थिए। धारिलो हतियार प्रहारबाट उनिमायाको घटनास्थलमै मृत्यु भएको प्रहरीले जनाएको छ।
घटनापछि प्रहरीले शेरबहादुरलाई नियन्त्रणमा लिएको छ। घटनास्थलमा SOCO अनुसन्धान अधिकृतसहितको प्रहरी टोली खटिएर आवश्यक अनुसन्धान अघि बढाएको छ।
