झापा, मोरङ र पाँचथरबाट ब्राउन सुगर सहित ५ जना पक्राउ
विराटनगर । झापा, मोरङ र पाँचथरबाट प्रहरीले लागूऔषध ब्राउन सुगरसहित पाँच जनालाई पक्राउ गरेको छ।
भदौ ३० गते झापाको इलाका प्रहरी कार्यालय कुमरखोदबाट खटिएको प्रहरी टोलीले चेकजाँचका क्रममा गौरादह नगरपालिका–४ का बाबुराम मुर्मुलाई १ ग्राम ९८ मिलिग्राम ब्राउन सुगरसहित पक्राउ गरेको छ।
यस्तै, अस्थायी प्रहरी चौकी कुटीबाट खटिएको टोलीले बिर्तामोड नगरपालिका–२ का समिर बस्नेतलाई ८२० मिलिग्राम ब्राउन सुगरसहित नियन्त्रणमा लिएको छ।
मोरङको इलाका प्रहरी कार्यालय पथरीबाट खटिएको प्रहरी टोलीले पथरीशनिश्चरे नगरपालिका–१ का अजय मादेनलाई १ ग्राम ८६० मिलिग्राम ब्राउन सुगरसहित पक्राउ गरेको छ।
यसैगरी, जिल्ला प्रहरी कार्यालय पाँचथरबाट खटिएको टोलीले याङवरक गाउँपालिका–२ का विशाल लिम्बु र हिलिहाङ गाउँपालिका–७ का युवराज विश्वकर्मालाई १४० मिलिग्राम ब्राउन सुगरसहित नियन्त्रणमा लिएको छ।
पक्राउ परेका पाँचै जनामाथि थप अनुसन्धान भइरहेको प्रहरीले जनाएको छ।
