जेन्जी आन्दोलनका क्रममा कारागारबाट फरार लागुऔषध मुद्दाका प्रतिवादी पक्राउ
काठमाडौं । लागुऔषध मुद्दामा पुर्पक्षका लागि केन्द्रीय कारागार सुन्धारा, काठमाडौंमा रहेका एक प्रतिवादी जेन्जी आन्दोलनका क्रममा फरार भएकोमा पक्राउ परेका छन्।
पक्राउ पर्नेमा काठमाडौं महानगरपालिका–२० बस्ने २६ वर्षीय अनिस थापा रहेका छन्। थापा लागुऔषध मुद्दामा पुर्पक्षका लागि केन्द्रीय कारागार सुन्धारा, काठमाडौंमा रहेका थिए।
उनी २०८२ साल भदौ २४ गते भएको जेन्जी आन्दोलनका क्रममा कारागारबाट फरार भएका थिए। फरार रहेका थापालाई बिहीबार दिउँसो करिब २ः४५ बजे काठमाडौं महानगरपालिका–१३ ताहाचलबाट प्रहरीले पक्राउ गरेको हो।
पक्राउ परेका थापालाई आवश्यक कारबाहीका लागि केन्द्रीय कारागार, जगन्नाथदेवल, सुन्धारा, काठमाडौं पठाइएको प्रहरीले जनाएको छ।
