धनकुटाबाट एक जना सहित बिभिन्न मुद्दाका फरार ४ जना प्रतिवादीहरु पक्राउ
विराटनगर, असोज ९ गते । विभिन्न मुद्दामा दोषी ठहर भई फरार रहेका ४ जना प्रतिवादीलाई प्रहरीले पक्राउ गरेको छ।
अपराध नियन्त्रण तथा कानून कार्यान्वयनलाई प्रभावकारी बनाउँदै शान्ति सुरक्षा कायम गर्न परिचालित प्रहरी टोलीले खोजतलासका क्रममा असोज ८ गते झापा, मोरङ, सुनसरी र धनकुटाबाट एक–एक जना फरार प्रतिवादीलाई पक्राउ गरेको हो।
पक्राउ परेकामध्येबाट १ वर्ष ६ महिना २८ दिन कैद सजाय तथा २३ हजार रुपैयाँ जरिवाना असुलउपर भएको प्रहरीले जनाएको छ।
पक्राउ परेका उनीहरूलाई कैद भुक्तानका लागि सम्बन्धित कारागार पठाइएको छ।
