सोलुखुम्बुको सामुदायिक वनमा लागेको आगो नियन्त्रणमा
सोलुखुम्बु । सोलुखुम्बुको माप्य दुधकोशी गाउँपालिका–४ घुम्नेमेरास्थित हर्तलुङ तुम्देन सामुदायिक वनमा लागेको आगो नियन्त्रणमा आएको छ।
सोमबार दिउँसो करिब १ बजे सामुदायिक वनमा आगलागी भएको जानकारी प्राप्त भएपछि जिल्ला प्रहरी कार्यालय सोलुखुम्बु र सशस्त्र प्रहरी बल गुल्म हेडक्वार्टर सल्लेरीबाट संयुक्त टोली घटनास्थल पुगेको थियो।
प्रहरी र सशस्त्र प्रहरीको संयुक्त प्रयासमा आगो नियन्त्रणमा लिइएको जनाइएको छ। आगलागीबाट भएको क्षतिको विवरण भने खुलाइएको छैन।
