गायक बद्रि पंगेनीको स्पटोक्ति : म पक्राउ परेको होइन
काठमाडौं, ४ साउन । लोक गायक बद्री पंगेनीले आफूलाई प्रहरीले पक्रउ गरेको भनी आएको समाचारको खण्डन गर्नु भएको छ । पंगेनीलाई मंगलवार राति काठमाडौंको बाँसबारी क्षेत्रबाट पक्राउ गरिएको समाचार आएको थियो ।
उनले आफू लोकदोहोरी प्रतिष्ठनको बैठकमा सहभागि भएको वताउँदै पक्राउ परेको खवर सत्य नभएको उहाँले वताउनु भयो । पंगेनीले मंगलवार आफू कुनै प्रहरी हिरासतमा नभएर आफ्नै घरमा रहेको बरु मंगलवार साँझ लोकदोहोरी प्रतिष्ठनका सदस्य समेत रहेका केहीलाई प्रहरीले घेरा हालेको थाहा पाएर प्रहरी कार्यालयमा बुझ्न गएको वताउनु भएको छ ।
‘मंगलबार राति म कुनै पनि प्रहरी कार्यालयको हिरासतमा नरही आफ्नै घरमा रहेको जानकारी गराउन चाहन्छु । बरु, मंगलबार साँझ ६ बजेको आसपासमा केही परिचित मित्रहरुलाई प्रहरीले घेरा हालेको सुनेर म के रहेछ भनी बुझ्ने क्रममा महाराजगञ्ज प्रहरी कार्यालयसम्म गएको हुँ ।
उहाँहरु तास खलिरहेको अवस्थामा समातिनुभएको जानकारी पाएँ’ पंगेनीले जारी गरेको विज्ञप्तिमा उल्लेख छ, ‘त्यहाँका डिएसपीले कानुन बमोजिम कारवाही हुन्छ भनेपछि म आफ्नो बाटो लागेको हुँ । तर, जसरी आफैँ पक्राउ परेको भनी मेरो मान मर्दन हुने गरी समाचार आएका छन्, यसप्रति म घोर आपत्ति प्रकट गर्दछु ।’
यस्तो समाचार बाहिरिएपछि उनले स्पष्टोक्ति दिएका हुन -> जुवाको खालबाट लोक गायक बन्द्री पंगेनीसहित ११ जना पक्राउ
