आफूलाई ’रअ’को नेपाल प्रमुख भन्दै धम्काउने गिरोह पक्राउ
काठमाडौं, ११ साउन । भारतीय गुप्तचर निकाय ‘रअ’ को नेपाल प्रमुख भन्दै देशभरीका व्यवसायीलाई धम्काउदै पैसा असुल्ने गिरोह पक्राउ परेको छ ।
चितवन प्रहरीले मुख्य योजनाकार ईश्वर बस्नेतसहित चार जनालाई पक्राउ गरेको हो ।
पक्राउ पर्ने अन्यमा रामकृष्ण श्रेष्ठ, मनोज श्रेष्ठ र रोशन बस्तेत छन् ।
उनीहरुले चितवनका व्यवसायीहरुलाई फोन तथा एसएमएसबाट धम्की दिइ पैसा असुलेको चितवनका एसपी दीपक थापाले बताए । बच्चा अपहरण गर्नेसम्मको धम्की दिएर उनीहरुले पैसा असुलेका थिए ।
दाङका व्यवसायी राजकुमार श्रेष्ठको जस्तै अपहरण गरी हत्या गर्ने भन्दै व्यापारीलाई उनीहरुले एसएमएस पठाएका थिए ।
