किसानलाई कुखुरा पालन तालिम
धनकुटा खवर, फागुन २६ । धनकुटाको महाभारत गाविसमा सञ्चालित स्थानीय कुखुरा पालन सम्वन्धि २ दिने तालिमको समापन गरिएको छ ।
जिल्ला पशुसेवा कार्यलय धनकुटा र पशुसेवा केन्द्र भेडेटारको संयुक्त आयोजनामा सञ्चालित तालिममा खोर व्यवस्थापन,आहार व्यवस्थापन र स्थानीय कुखुरामा लाग्ने रोग र यसको उपचार लगायतको विषयमा किसानहरुलाई जानकारी दिईएको छ ।
तालिम समापन सँगै सहभागीहरुलाई कुखुरामा लाग्ने रोग नियन्त्रणका लागि प्रयोग गरिने विषाधी,वाटरपोट,स्टेन,कोक स्प्रे लगायतका सामाग्री प्रदान गरिएको कार्यलयका डा नन्दलाल वर्माले जानकारी दिए ।
तालिमको सहजीकरण ,पशुसेवा केन्द्र भेडेटारका अधिकृत सुवेन्द्र शाह, पशुसेवा केन्द डाडावजारका पशु प्राविधिक श्री कृष्ण यादव र महाभारतका पशु चिकित्सक नविन राईले सहजीकरण गरेका थिए । तालिममा त्यहाँका ५० जना किसानको सहभागीता थियो ।
