घरेलु मैदानमा माल्दिभ्सलाई ६–० गोल अन्तरले पराजित गर्दै नेपालको सानदार जित
काठमाडौं, ५ भदौ । साफ यू–१५ च्याम्पियनसिप प्रतियोगिताको पहिलो खेलमा नेपालले सानदार जित हात पारेको छ ।
पहिलो हाफमा ४–० को अग्रता लिएको नेपाली राष्ट्रिय यू–१५ फुटबल टोलीले आज घरेलु मैदानमा माल्दिभ्सलाई ६–० गोल अन्तरले पराजित गरेको हो । नेपालका लागि ब्रिजेश चौधरीले पहिलो र अन्तिम गरी दुई, दर्शन गुरुङ, कप्तान रोशन रानामगर, आकाश बुढा मगर, रोशन दोङले गोल गरे ।
जितसँगै नेपाल समूह’बी’बाट प्रतियोगिताको सेमिफाइनल प्रवेश गरेको छ । फाइनल एवं समूह विजेताका लागि नेपालले पर्सी बुधबार भारतसँग भिड्दैछ ।
