मन्त्री बन्न नपाएको झोकमा राजिनामा दिएका शाहीले यसकारण राजीनामा फिर्ता लिने
काठमाडौँ, १५ फागनु । प्रदेश सरकार गठन गर्दा आफूमाथि अन्याय भएको भन्दै राजीनामा दिएका कर्णाली प्रदेशका प्रदेशसभा सदस्य चन्द्रबहादुर शाहीले राजीनामा फिर्ता लिने भएका छन् ।
सरकार गठनका क्रममा केही कमजोरी भएको स्वीकार गर्दै पार्टीले राजीनामा फिर्ता लिन पत्र काटेपछि शाहीले राजीनामा फिर्ता लिन लागेको बताएका छन् । उनले आफूले पार्टीको निर्देशन मानेर राजनीमा फिर्ता लिन लागेको जनाएका छन् ।
शाहीको राजीनामाको बिषयमा पार्टी स्थायी समितिमा छलफल भएपछि एमालेले कमजोरी भएको भन्दै राजीनामा फिर्ता लिन पत्र काटेको थियो । पत्रमा उनलाई भविश्यमा उचित जिम्मेवारी दिने समेत आश्वासन दिइएको छ ।
प्रदेश सरकारमा मन्त्री छनोट गर्दा आर्थिक चलखेलका आधारमा गरेको आरोप लगाउदैँ शाहीले प्रदेशसभा सदस्यबाट पार्टी सदस्यसमेत नरहने गरी राजीनामा दिएका थिए । शाही प्रदेश सभामा मुगुबाट निर्वा्चित सांसद हुन ।
