पेनाल्टीमा चुक्यो बार्सिलोना, च्याम्पियन्स लिगमा जित बिहीन सुरुवात
एजेन्सी । कप्तान लियोनल मेस्सी चोटबाट मुक्त भएर मैदान फर्किएको र यो सिजनको च्याम्पियन्स लिग फुटबल अन्तर्गत समूह चरणको पहिलो खेलमा बार्सिलोना जित बिहीन भएको छ ।
मंगलबार रातिदेखि सुरु भएको च्याम्पियन्स लिग फुटबल अन्तर्गत समूह एफ मा रहेको बार्सिलोना अवे मैदानमा भएको खेलमा जर्मन क्लब बोरुसिया डर्टमुण्डसँग गोलरहित बराबरीमा रोकिएको हो ।
गएको जुलाईमा कोपा अमेरिका अन्तर्गत अर्जेन्टिनाबाट खेलेपछि मैदानमा आएका थिएनन् । चो’टमुक्त भएर रोनाल्डो यो सिजनमा पहिलो पटक टिममा आएका थिए । तर खेलको सुरुवात भने उनले बेन्चबाट गरे । मेस्सी थप खेलाडीका रुपमा मैदानमा गए तर गोल भने गर्न सकेनन् ।
१६ वर्षका एन्सु फातीलाई बार्सिलोनाले च्याम्पियन्स लिगमा डेब्यु गरायो । यो खेलमा बार्सिलोनाले गोल गर्ने सुन्दर मौका पाएको थियो तर त्यसमै चुक्यो । बार्सिलोनाले पाएको पेनाल्टी मार्को रुइसले प्र’हार गरेका थिए । मार्कोको पेनाल्टी प्र’हार मार्क–आन्द्रे तेर स्टिग्नले रोकेका हुन् ।
गोलरहित बराबरी भएपछि पहिलो खेलबाट दुवै टिमले एक एक अंक बाँडेका छन् । सोही समूह अन्तर्गत भएको अर्को खेलमा इटालियन क्लब इन्टर मिलान स्लाभिया प्रागसँग १–१ को बराबरीमा रोकियो ।
