सिन्धुपाल्चाेककी सु,त्केरीकाे ज्या,न जानुको कारण खुल्न बाँकी – मन्त्रालय भन्छ- थप परिक्षण भईरहेका छन, नतिजा आइसकेकाे छैन
काठमाण्डाै । सिन्धुपाल्चोककाे बाह्रबिसेकी २९ वर्षीया एक सु,त्केरीको ज्या,न जानुको कारण अझै खुलिसकेकाे छैन । स्वास्थ्य तथा जनसङ्ख्या मन्त्रालयले नियमित बिफ्रिङमा सुत्केरी महिलाको ज्या,न जानुको कारण खुल्न बाँकी रहेको जानकारी गराएको हो ।
मन्त्रालयका प्रवक्ता डाक्टर विकास देवकोटाले सुत्केरी महिलाको गएको २४ गते त्रिवि शिक्षण अस्पताल महाराजगञ्जमा प्राकृतिक रुपमा प्रसूति भएको र २५ गते अस्पतालबाट डिस्चार्ज गरेको जानकारी दिनुभयो । उहाँले डिस्चार्जपछि सुत्केरी महिलालाई घर लगेपछि ज्वरो र श्वा,सप्रश्वासको समस्या देखिएको खुल्न आएको बताउनुभयो ।
उहाँले भन्नुभयो, ‘स्वास्थ्यमा समस्या भएपछि सु,त्केरीको स्थानीय स्वास्थ्य संस्थामा उपचार गराएको तर अवस्था गम्भीर भएपछि काभ्रेको धुलिखेल अस्पताल ल्याउँदै गर्दा ज्यान गएको पाइएको छ ।’
सु,त्केरीको स्वास्थ्य परीक्षणको रिपोर्ट आउन बाँकी रहेकाेले ज्या,न जानुको कारण नखुलेको र रिपोर्ट आएपछि औपचारिक जानकारी गराइने पनि स्वास्थ्य मन्त्रालयका प्रवक्ता विकास देवकोटाले बताउनुभयो ।
कुन प्रदेशमा कति ?
नेपालमा हालसम्म कोरोना संक्रमितको संख्या २ सय ७८ पुगेको छ । जनसंख्या तथा स्वास्थ्य मन्त्रालयका प्रवक्ता डा. विकास देवकोटाका अनुसार अहिलेसम्म प्रदेश नम्बर २ र ५ मा सबैभन्दा बढी सं,क्रमित भेटिएका छन् । दुबै प्रदेशमा गरी २ सय १८ जनामा सं,क्रमण देखिएको छ ।
यस्तै प्रदेश नम्बर १ मा ३६ र बागमती प्रदेशमा १६ जनामा सं,क्रमण देखिएको छ । यसैगरी गण्डकी प्रदेशमा ३ र सुदूरपश्चिममा ५ जनामा संक्रमण देखिएको छ । अहिलेसम्म ३६ जना उपचारपछि घर फर्किएका छन् ।
गत २४ घण्टामा ५ हजार २ सय ४३ जनाको नमूना परीक्षण भएको छ । जसमा पिसिआर विधिबाट २ हजार ५ सय ७९ वटा परीक्षण भएका छन् । आरडिटी विधिबाट २ हजार ६ सय ६४ वटा परीक्षण भएको प्रवक्ता देवकोटाले बताउनुभयो ।
अहिलेसम्म पिसिआर विधिबाट २६ हजार ६ सय ९१ र आरडिटी विधिबाट ६५ हजार ७ सय ४९ वटा परीक्षण भएका छन् । शनिबारसम्म कुल ९२ हजार ४ सय ४० जनाको परीक्षण भएको उहाँले बताउनुभयो ।
प्रदेश नम्बर १ मा ९ हजार १ सय ११, प्रदेश नम्बर २ मा ५ हजार ९ सय ८७, बागमती प्रदेशमा १० हजार ४ सय ५२ र गण्डकी प्रदेशमा ६ हजार ९ सय ३२ जनाको परीक्षण भएको छ ।
यस्तै प्रदेश नम्बर ५ मा ८ हजार ४ सय ९०, कर्णाली प्रदेशमा ७ हजार ३ सय ७२ र सुदूरपश्चिम प्रदेशमा १७ हजार ४ सय ५ जनाको आरडिटी परीक्षण भएको छ ।
अहिले देशभरीका क्वारेन्टाइनमा १६ हजार ३ सय ६६ जना रहेका छन् । उपत्यकामा ३२ सहित देशभरीका विभिन्न अस्पतालमा ३ सय २० जना उपचाररत रहेका छन् ।
