पटेक डाँडा पर्यटन क्षेत्र बिस्तारका लागि बजेट अभाव हुंदा पर्यटन प्रवद्र्धनमा समस्या
नारायण कुमार राई,धनकुटा । धनकुटाका जिल्लाकै अग्लो पटेक डाँडा पर्यटन क्षेत्र बिस्तारका लागि बजेट अभाव हुंदा पर्यटन प्रवद्र्धनमा समस्या देखिएको स्थानियबासीहरुको भनाई रहेको छ । नेपाल सरकारको एक सय गन्तब्य मध्येको एक स्थानमा सुचिकृत यस क्षेत्रमा पूर्ण संरचना बन्न नसक्दा पर्यटकहरुले सास्ती बेहोर्नु परेको स्थानिय बासिहरुको भनाई रहेको छ ।
२०७५ सालबाट हाल सम्म छथर जोरपाटी गाउँपालिकाको पहलमा हाल सम्म सिंधुवा बजारको हलहलेबाट ११८ मिटर कच्ची सडक,२२७ मिटर सिंढी र ४६३ मिटर रेलिङ निर्माण गरिएको छ तर उक्त सिंधुवा बसन्तपुर सडक खण्डबाट उक्त डाँडा सम्म जाने कच्ची बाटोको स्तर उन्नती हुन नसक्दा पर्यटकहरुले जान कठिन भएको गुनासो गर्नेगरेको सिंधुवा बजारका रुद्र थापाले बताउनु भयो ।
थापाका अनुसार यस क्षेत्रको पर्यटन प्रवद्र्धन गर्न सिंढी सम्म जाने प्रवेश मार्गको सुधार र उक्त क्षेत्रका कालिपोखरी,सिंहदेवी मन्दिर जोड्ने बाटो सुधार तथा ग्राभेल गर्नुपर्ने माग गर्नुभयो । त्यस्तै सिंधुवा बजारका सन्जोग लिम्बूले पनि फेसबुकमा हेरेर तराईबाट पर्यटकहरु आउने गरेपनि कच्ची सडकबाट मोटरसाईकल लान नसक्दा आफूहरुलाई गुनासो गर्नेगरेको जानकारी दिनुभयो ।
उक्त क्षेत्रको पूर्वाधार बिकासका लागि करिव ४ करोड लाग्ने भए पनि हाल बजेट अभावमा थप निर्माण कार्य अगाडि बढाउन नसकिएको गाउँपालिकाका अध्यक्ष शेर बहादुर दिम्बूले जानकारी दिनुभयो । धनकुटाका पूर्व माननिय राजेन्द्र कुमार राईको पहलमा पटेक डाँडा पूर्वाधार बिकासका लागि २०७५ साल देखि ०७७ साल सम्ममा १ करोड ५७ लाख खर्च गरिएको छ । त्यस पश्चात कोभिड १९ का कारण थप योजना तथा बजेट अभावमा उक्त क्षेत्रको बिकाश हुन नसकेको गाउँपालिका अध्यक्ष लिम्बूले जानकारी दिनुभयो ।
जिल्लाको छथर जोरपाटी गाउँपालिका,महहालक्ष्मी नगरपालिका र छथर गाउँपालिका तेह्रथुमको सिमानामा रहेको यस डाँडाको उचाई समुद्री सतहबाट २,७०२ मिटरको उचाई रहेको छ । यस पटेक डाँडाबाट मकालु,कनचनजंघा लगाएत बिभिन्न हिमश्रखला र प्रदेश नं. १ का बिभिन्न जिल्लाका भू–भागको मनमोहक दृष्य हेर्न यहाँ पर्यटकहरुआउने गरेका छन् ।
