तेह्रथुमको फेदाप क्षेत्रमा पर्ने पाेक्लवाङमा लिम्बुवान मेला लाग्ने
तेह्रथुम । तेह्रथुमको फेदाप क्षेत्रमा पर्ने पाेक्लवाङमा लिम्बुवान मेला लाग्ने भएको छ । लिम्बुवानकाे फेदाप थुमले परिचित भएको सिम्लेस्थित पाेक्लवाङमा फेदाप पाेक्लवाङ लिम्बुवान मेला हुने भएको हाे ।
२०६२/६३ को जनआन्दोलनपछि वलिहाङ तङ्नाम/शुभदिपावलीको अवसरमा लाग्दै आएको लिम्बुवान मेला यो साल पनि यहि कार्तिक ४ गते बाट आयोजना हुने आयाेजकले जनाएको छ । महेन्द्र मेलाको नाममा लाग्दै आएको ऐतिहासिक मेला जनआन्दोलनपछि फेदाप लिम्बुवान मेलाको नामले लाग्दै आएको छ । लिम्बुवान मेला यो क्षेत्रकै एक मात्र ऐतिहाक बहुजातीय, बहुभाषिक, बहुसाँस्कृतिक मेला भएको आयोजक समितिका अध्यक्ष सुजन कुरुम्बाङले बताए ।
मेलाको अवसरमा खुल्ला फुटबल प्रतियोगिता, खुल्ला भलिबल प्रतियोगिताका साथै अन्य साँस्कृतिक कार्यक्रमहरू आयोजना गरिनेछन् । २०७४ को स्थानीय चुनावपछि स्थानीय सरकार प्रमुख हरि चोङवाङले मेलाको नाम परिवर्तन गरी फेदाप मेला बनाएकोमा पुन: २०७९ सालको स्थानीय चुनावपछि वर्तमान स्थानीय सरकारले पुरानै नाम कायम गरी फेदाप पोक्लवाङ लिम्बुवान मेला को आयोजना हुन लागेको साँस्कृतिक अभियन्ता एवम् फेदाप समाजका संस्थापक सचिव सन्ताेष कुरुम्वाङले बताए ।
मेलाकाे अवसरमा आयोजना हुने खुल्ला फुटबलतर्फ प्रथम हुनेलाई पुरस्कार राशी रू १,११,१११ र ट्रफी, भलिबलतर्फ प्रथम हुनेलाई पुरस्कार राशी ५०,००० र ट्रफी रहेको छ । मेला यहीओ कात्तिक ४ गतेदेखि एकहप्तासम्म आयोजना हुने आयोजक पाेक्लवाङ लिम्बुवान मेला खेलकुद विकास समितिले जनाएको छ ।
लिम्बुवानकाे सत्र थुममध्ये फेदाप थुम एक हाे । सेन्सेङ्गुम फेदापहाङ नामक शाषक र सन्ततिहरूले शासन गरेको मानिएको यस थुममा रहेको पाेक्लवाङ माङ्गेन्ना यक्(उत्पत्ति थलाे) छराय र सात राय याक्थुङ लिम्बुहरूकाे पवित्र थलाे मानिन्छ ।
