ज्यानको बाजी राखी यसरी ओसारिन्छ चेफामा बांस (भिडियो सहित)
धनकुटा । पानी संग खेल्नु आफैमा जोखिमपुर्ण हुन्छ । सामान संगै बिना साधन नदिमा यात्रा गर्नु त झनै जोखिमपुर्ण हुन्छ तर पनि जोखिमको कुनै प्रबाह नगरी सप्तकोशी नदिका सहायक नदिवाट स्थानियले बर्षेनी पानीनै पानीको लामो यात्रा तय गरी चेफामा बास ओसार्ने गरेका छन् ।
कोशि आसपासका बासिन्दा जोखिम मोलेर नदि बाटै बास ओसारै धरैको जिबिकोपार्जन हुने गरेको छ । यसरी ओसारीने बाँसलाइ चेफाको बास भनिन्छ । त्यहि चेफाको बाँस सप्तकोशिका सहायक नदि सुनकोशी अरुण र तमोर हुदै धनकुटा भोजपुर उदयपुर लगायतका क्षेत्रवाट सप्तकोशी नदि हुदै तराइ पुर्याइने गरिन्छ । यो नदि मार्फत बर्षेनी हजारौ घना बास सुनसरीको चतारा पुर्याउने गरिएको छ । अनि चतारा वाट ब्यापारीले धरान इटहरी बिराटनगर लगायतका सहममा पुर्याएर बिक्रि गर्ने गरेको स्थानिय मोती चन्द्र राई बताउनु हुन्छ ।
एक पटकमा बास आसार्दा बासको घनाको आधारमा १५ हजार सम्म आम्दानी हुन्छ । स्थानियले त्यहि १५ हजारको लागि उनिहरुले आफ्नो ज्याननै दाउमा राखेका हुन्छन् । नदिमा ठुला ढुङ्गा तथा भङ्गालो छन् ।
बास बोकेको चेफा दुर्घटना भइहालेमा पैडिनु बाहेक उहाहरु संग अन्य कुनै आफुलाइ सुरक्षित गर्ने उपाय र उपकरण समेत हुदैन तर असहज स्थानमा दुर्घटना हुने भएकाले पौडिएर बाच्ने सम्भाबनी न्युन हुन्छ ।वाँस चेफामार्फत ओसारीने स्थानका बासिन्दाको एक महत्तपुर्ण आम्दानीको स्रोत हो । बास बिक्न थाले देखिनै यी स्थान वाट चेफा मार्फत बास ओसार्न सुरु भएको स्थानियको भनाई छ । गाँउगाँउमा सडक निर्माण भई यातायात सञ्चालनमा आएपनि नदि किनारका क्षेत्रमा बास ओसार्न भने चेफानै प्रयोग हुने गरेका छ ।
यातायातका साधनमा भन्दा सस्तो पर्ने तथा ओसार्न सहज हुने भएकाले चेफाको लोकप्रियता कम नभएको हो ।
