पांचथरको फिदिममा सवारी दुर्घटना, १ जनाको मृत्यु,३ घाईते
पाँचथर, साउन ३ । पाँचथरको फिदिम नगरपालिका-१ मेची राजमार्ग स्थितमा सवारी दुर्घटना हुँदा एक जनाको मृत्यु भएको छ भने तिन जना घाईते भएका छन् ।
आज बिहान साढे ८ बजे फिदिम बजारतर्फ आउदै गरेको प्र. १-०१-००१ स ८७०५ नम्बरको अटो आफै अनियन्त्रित भई दुर्घटना हुँदा घाईते भएका अटोमा सवार फिदिम- ६ का ५५ बर्षीया हरीमाया तुम्रोकलाई उपचारको लागी जिल्ला अस्पताल पाँचथर लगिएकोमा उनको उपचारको क्रममा मृत्यु भएको हो भने घाईते भएका स्थानीय ३६ बर्षीया बसन्ती लिम्बु, १९ बर्षीय सन्देश लिम्बु र कुसल लिम्बुको सोही अस्पतालमा उपचार भईरहेको जिल्ला प्रहरी कार्यालय पाँचथरले जनाएको छ ।
अटो चालक फिदिम- ६ का २५ बर्षीय दिपक लिम्बुलाई नियन्त्रणमा लिई घटना सम्बन्धमा थप अनुसन्धान भईरहेको छ ।
