ट्राफिक प्रहरीले कोरियाली ब्लगरसँग पैसा लिइरहेको भिडियो रेकर्ड, हवलदार निलम्बित
दिल्ली ट्राफिक प्रहरीले आइतबार आफ्ना एक हवलदारलाई निलम्बन गरेको छ । कोरियन भ्लगरसँग पाँच हजार घुस लिएको आरोपमा उक्त कारबाही गरिएको हो । कोरियन भ्लगरले यो घटनाको भिडियो आफ्नो युट्युब च्यानलमा अपलोड गरेका छन् ।
यस भिडियो सँगै भ्लगरले लेखेका छन् – त्यसैले तपाईंले भारतमा कार चलाउनु हुँदैन । भिडियोमा देख्न सकिन्छ कि कोरियन भ्लगर कारबाट कतै जाँदै गर्दा बाटोमा ट्राफिक प्रहरी जवानले रोक्छन् ।
यो हवलदारले केही पैसा मागे । प्रहरीले पाँच सय मागे होलान् भनेर भ्लगरले सोच्छन् तर उनले पाँच हजार भारु माग्छन् । भ्लगरले ५ हजार रुपैयाँ दिँदा प्रहरी हवलदार कुनै रसिद नदिई त्यहाँबाट हिँड्छन् ।
दिल्ली प्रहरीका पीआरओ सुमन नलवाले बीबीसीलाई भने – प्रहरीलाई निलम्बन गरिएको छ र विभागीय अनुसन्धान भइरहेको छ ।
FITVELY च्यानलको युट्युबमा १३ लाख सब्सक्राइबर छन् । उनले यो भिडियो अपलोड गर्दा यो क्लिप सामाजिक सञ्जालमा पनि शेयर भएको छ ।
ट्राफिक प्रहरीले ट्विटरमा यो क्लिपको प्रतिक्रिया दिएको छ ।
ट्राफिक प्रहरीको अफिसियल ह्यान्डलबाट लेखिएको थियो – सामाजिक सञ्जालमा पोस्ट गरेको सूचनालाई लिएर भिडियोमा देखिएका प्रहरीलाई निलम्बन गरिएको छ । भ्रष्टाचारमा प्रहरीको शून्य सहनशीलताको नीति छ ।
