झापा र मोरङबाट लागुऔषध ब्राउन सुगर सहित ३ जना पक्राउ
बिराटनगर, साउन १० । झापा र मोरङको छुट्टा छुट्टै स्थानबाट प्रतिबन्धित लागुऔषध ब्राउन सुगर सहित तीन जनालाई प्रहरीले पक्राउ गरेको छ ।
हिजो जाँझा साढे ७ बजे झापाको मेचीनगर नगरपालिका-६ स्थितमा बिषेश सुचनाको आधारमा ईलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले भारतबाट नेपालतर्फ आउँदै गरेको पैदल यात्री इलाम चुलाचुली गाउँपालिका- ४ का २७ बर्षीय धिरज हिमाङ्लाई चेकजाँच गर्ने क्रममा उनको साथबाट ३५ ग्राम ब्राउन सुगर फेला परि नियन्त्रणमा लिएको हो ।
यसै गरी मोरङको बिराटनगर महानगरपालिका- १६ दरैया स्थितमा भारतबाट नेपालतर्फ आउदै गरेको पैदल यात्री धरान उप-महानगरपालिका-१५ का ३६ बर्षीय पुर्ण तामाङलाई लागुऔषध नियन्त्रण ब्युरो बिराटनगरबाट खटिएको टोलीले शंकास्पद अवस्थामा फेला पारी चेकजाँच गर्दा उनको साथबाट २ ग्राम ९४ मिलिग्राम ब्राउन सुगर फेला पारेसगै पक्राउ गरेको हो ।
लागुऔषध सहित पक्राउ गरेको उनिहरुको सम्बन्धित प्रहरी कार्यालयहरुबाट थप अनुसन्धान भईरहेको कोशी प्रदेश प्रहरी कार्यालय विराटनगरले जनाएको छ ।
