मोरङमा पोखरीमा डुबेर १ जना बालकको मृत्यु
मोरङ, साउन १० । मोरङको बुढिगंगा गाउँपालिका-३ रमाइलो टोल स्थित पोखरीमा डुबेर एक जना बालकको मृत्यु भएको छ ।
हिजो दिउँसो साढे २ बजे कृष्ण मगरको छोरा ३ बर्षीय कृष मगर आफ्नै घर नजिक रहेको पोखरीमा खेल्ने क्रममा पोखरीमा डुबि पानीमा तैरि रहेको अवस्थामा स्थानीय १२ बर्षीय सबिन तामाङले फेला पारी पोखरीबाट निकाली निजको आमा रमिता मगरलाई जानकारी गराइ उपचारको लागि बिराट टिचिङ अस्पताल गंगाचोक पठाइएकोमा उनको उपचारको क्रममा मृत्यु भएको हो ।
घटना सम्बन्धमा थप अनुसन्धान भईरहेको ईलाका प्रहरी कार्यालय नेमुवाले जनाएको छ ।
