झापामा पिकअपको ठक्करबाट स्कुटर चालकको मृत्यु
झापा । झापाको मेचिनगर नगरपालिका- १३ कालि झोडा स्थितमा पिकअपको ठक्करबाट स्कुटर चालकको मृत्यु भएको छ ।
आज बिहान सवा ८ बजे पूर्व पश्चिम राजमार्गमा पूर्वबाट पश्चिम तर्फ जादै गरेको मे ५ प २१८० नम्बरको स्कुटरलाई सोहि दिशा तर्फ जाँदै गरेको प्रदेश १-०१-००१ च ७१८४ नम्बरको पिकअपले पछाडिबाट ठक्कर दिदा उक्त दुर्घटना भएको थियो ।
दुर्घटनामा परेर गम्भिर घाईते भएका २४ बर्षिय योगेश श्रेष्ठको उपचारको क्रममा बि एण्ड सी अस्पताल बिर्तामोडमा मृत्यु भएको छ भने पिकअप र पिकअप चालक ईलामको सुर्योदय नगरपालिका-१२ का २४ बर्षिय अनमोल राई लाई प्रहरी चौकी चारआलीले नियन्त्रणमा लिएको उक्त कार्यालयले जनाएको छ ।
