मकवानपुर पहिरोमा बेपत्ता ६ जना भेटिएनन्, बागमतीले बगाएको आशंका
काठमाडौ । मकवानपुरको बागमती गाउँपालिका-५ सिक्रेनीमा पहिरोले घर बगाउँदा एक जनाको मृत्यु भएको छ। सोही घटनामा ६ जना बेपत्ता भएका छन्।
सोमबार रातिदेखि परेको अविरल वर्षाको कारण मंगलबार बिहान ४ बजे पहिरो खसेको थियो। उक्त पहिरोले घर बगाउँदा सात जना पुरिएका थिए। तीमध्ये सन्तमाया स्याङ्तानलाई उद्धार गरेर अस्पताल लैजाँदै गर्दा बाटोमै मृत्यु भएको जिल्ला प्रहरी कार्यालय, मकवानपुरका डीएसपी टेकबहादुर कार्कीले जानकारी दिए।
पहिरोमा परी बागमती गाउँपालिका-५, सिक्रेदोभानका ६० वर्षीय अक्कलबहादुर स्याङ्तान, उनकी २२ वर्षीया छोरी शिला पहरी, ज्वाइँ २५ वर्षीय जीवन पहरी, नाति चार वर्षीय मिलन पहरी, साढे एक वर्षकी नातिनी दिव्या पहरी र सिन्धुली, हरिहरपुर गाउँपालिका(१, कोकटीका अन्दाजी १७ वर्षका पासाङ घिसिङ ९पाहुना० बेपत्ता भएका छन्। उनीहरूको खोजीकार्य जारी रहेको कार्कीले बताए।
काभ्रे जिल्लाको खानीखोला गाउँपालका-५ स्थायी घर भएका अकलबहादुर स्याङ्तान मकवानपुरको बागमती गाउँपालिका-५ स्थित सिक्रेदोभानमा बस्दै आएका थिए।
