रोल्पा बस दुर्घटना अपडेटः ४ जनाको मृत्यु १८ जना घाइते
काठमाडौं,२३ साउन । रोल्पामा बस दुर्घटना हुँदा ४ जनाको मृत्यु भएको छ भने १८ जना घाइते भएका छन् ।
आज बिहान रोल्पाको बागमाराबाट दाङ घोराहीका लागि छुटेको ना ५ ख २६१२ नम्बरको बस सहिद मार्गअन्तर्गत त्रिवेणी गाउँपालिका–७ स्थित रिचि तिलानजिक दुर्घटनामा परेको हो । बस सडकबाट करिब १०० मिटर तल खसेको छ ।
बस दुर्घटाना परी रोल्पाको माडी गाउँपालिका-२ बस्ने २१ वर्षीय प्रकाश बाँठा, माडी गाउँपालिका-४ का ५० वर्षीय गोर्खे डाँगी र उनकी ५० वर्षीया श्रीमती हस्त डाँगी तथा परिवर्तन गाउँपालिका ३ का ४६ वर्षीय भक्तबहादुर विकको ज्यान गएको प्रहरीले जनाएको छ ।
यस्तै बस दुर्घटनामा घाइते भएकाहरूको उद्धार गरि उपचारका लागि दाङ पठाइएको प्रहरीले जनाएको छ ।
