खोलाले बगाउँदा किशोरको मृत्यु
२३ साउन, जनकपुरधाम । धनुषामा बसही खोलाको बाढीले बगाउँदा एक किशोरको मृत्यु भएको छ ।
धनुषाको मिथिला नगरपालिका–२ आनन्दपुरका १७ वर्षीय सुबोध यादवलाई खोलाले बगाउँदा मृत्यु भएको प्रहरीले जनाएको छ ।
बिहान १० बजे चिप्लिएर खोलामा खसेका उनलाई बाढीले बगाउँदा मृत्यु भएको इलाका प्रहरी कार्यालय महेन्द्रनगरका प्रहरी निरीक्षक दीपक कार्कीले जानकारी दिए ।
स्थानीयबासिन्दा र सुरक्षाकर्मीले सिकिस्त अवस्थामा उद्धार गरी महेन्द्रनगरस्थित अस्पतालमा लगेको भए पनि उपचारको क्रममा मृत्यु भएको र शव पोष्टमार्टमका लागि प्रादेशिक अस्पताल जनकपुरधाम पठाइएको ईलाका प्रहरी कार्यालय सखुवा महेन्द्रनगरले जनाएको छ ।
