त्रिशूलीमा महिलाको शव फेला
नुवाकोट, नुवाकोट तारकेश्वर गाउँपालिका-४ स्थित दर्शनटारमा एक महिलाको शव फेला परेको छ । जिल्ला प्रहरी कार्यालय नुवाकोटका अनुसार धादिङ जिल्ला नीलकण्ठ नगरपालिका-१४ की अन्दाजी ४२ वर्षीया सरस्वती रिमालको शव फेला परेको हो ।
बुधबार पौने पाँच बजेतिर स्थानीयले महिलाको शव देखेपछि प्रहरीलाई जानकारी दिएका थिए । खोजतलासको क्रममा ती महिलाको पहिचान खुलेको र उनी बुधबार बिहान घरबाट एक्लै उपचारका लागि भनेर त्रिशूली अस्पताल आएको जिल्ला प्रहरी कार्यालय नुवाकोटका सूचना अधिकारी एवं डिएसपी खगेन्द्रबहादुर खड्काले बताए ।
मृतकका परिवारलाई जानकारी गराई शव त्रिशूली अस्पतालमा पोस्टमार्टमका लागि ल्याइँदै गरेको प्रहरीले जनाएको छ । प्रहरीका अनुसार रिमालको मृत्युबारे अनुसन्धान भैरहेको छ ।
