श्रीमानले नै घाँस काटिरहेकी श्रीमतीको हत्यागरेपछि
काठमाडौ । श्रीमतीको हत्या आरोपमा प्रहरीले बिहीबार बर्दियाबाट एक जनालाई पक्राउ गरेको छ। बढैयाताल गाउँपालिका वडा नम्बर १ सानोडाँफे बस्ने ५० वर्षीय कृपाल सुनारलाई पक्राउ गरेको हो।
घरदेखि अन्दाजी ५०० मिटर टाढा धान खेतमा घाँस काटिरहेको अवस्थामा सुनारले ४० वर्षीया श्रीमती केस कुमारी बिकलाई धारिलो हतियारले प्रहार गरेर हत्या गरेका हुन्।
घटनाको खबरपछि प्रहरी चौकी जमुनी तथा इलाका प्रहरी कार्यालय मैनापोखरबाट खटिएको प्रहरी टोलीले सुनारलाई घटनास्थलबाटै नियन्त्रणमा लिएको छ।
उनीमाथि कर्तव्य ज्यान मुद्दामा थप अनुसन्धान भइरहेको जिल्ला प्रहरी कार्यालय बर्दियाले जनाएको छ।
