जंगली च्याउ खाएर आमाछोरीको मृत्यु
दाङ, भदौ २ । गत सोमबार साँझ जंगलबाट जंगली च्याउ खाएर गम्भीर बिरामी भएका दाङ बंगलाचुली गाउँपालिका–४ मैकुटीका आमाछोरीको मृत्यु भएको छ । जंगली च्याउ खाएर २७ वर्षीया ईश्वरी सुनार र ११ वर्षीया छोरी अस्मिता सुनारको उपचारको क्रममा मृत्यु भएको हो ।
आमा ईश्वरीको उपचारका क्रममा राप्ती स्वास्थ्य विज्ञान प्रतिष्ठान घोराहीमा मृत्यु भएको हो भने गत बुधबार छोरी अस्मिताको उपचारका क्रममा लुम्बिनी प्रादेशिक अस्पताल बुटवलमा मृत्यु भएको हो ।
मृतक ईश्वरीका श्रीमान भने राप्ती स्वास्थ्य विज्ञान प्रतिष्ठानमा उपचार भइरहेको छ ।
