सम्पर्कमा नरहेका १४ प्रहरीलाई हाजिर हुन निर्देशन
काठमाडौं । नेपाल प्रहरीले १४ प्रहरीलाई हाजिर हुन निर्देशन दिएको छ ।
प्रहरीले आइतबार सूचना जारी गर्दै सातदिन भित्र हाजिर हुन निर्देशन दिएको हो । आफूखुसी कार्यालयमा गैरहाजिर रहेको र खोजतलास गर्दा गराउँदा समेत कार्यालयको सम्पर्कमा नआएका कारण सूचना जारी गर्दै सम्पर्कमा आउन आग्रह गरेको हो ।
तोकिएको समयमा हाजिर नभए नियमानुसार सेवाबाट हटाइने चेतावनी समेत दिएको छ ।
