खोलाले बगाएर बेपत्ता आमाछोराको शव फेला
हेटौँडा । घाँस काट्न जाँदा खोलाले बगाएर बेपत्ता भएका आमाछोराको शव फेला परेको छ ।
सिन्धुलीको हरिहरपुरगढी गाउँपालिका–६ रागेचुरीका आमाछोराको शव फेला परेको हो ।
घाँसको भारी लिएर घर फर्कँदै गर्दा खोला पार गर्ने क्रममा स्थानीय खड्कुले खोलाले उनीहरूलाई बगाएको थियो ।
खोलाले बगाएका छोरा २८ वर्षीय राजकुमार गोले र आमा ५७ वर्षीय मायाकुमारी गोलेको शव फरक फरक स्थानमा फेला परेको हो ।
छोराको शव शव हरिहरपुरगढी गाउँपालिका–६ को क्यानखोला र खड्कुले खोलाको दोभानमा फेला परेको तथा आमाको भने रौतहटको बागमती किनारमा आइतबार बिहान फेला परेको प्रहरीको भनाई रहेको छ ।
