कोशी प्रदेशको कृषि क्षेत्रमा सार्वजनिक नीजि साझेदारी सम्वाद कार्यक्रम सम्पन्न
जीवनप्रसाद राई । कोशी प्रदेशको राजधानी बिराटनगरमा भदौ २९ मा नेपाल उधोग बाणिज्य महासंघ कोशी प्रदेशको आयोजना र नेपाल कृषि बजार बिकास कार्यक्रम सहजको सहकार्यमा कोशी प्रदेशको कृषि क्षेत्रमा सार्वजनिक नीजि साझेदारी संम्वाद कार्यक्रम सम्पन्न भएको छ ।
कृषिक्षेत्रका लागि निकै महत्व बोकेको यो संम्वाद कार्यक्रममा कृषक, कृषि उधमी, उधोगी, ब्यापारी, बाणिज्य संघका पदाधिकारी, कृषि बिज्ञ, कृषि अभियन्ता लगायतका ब्यक्तिहरुको उपस्थिति रहेको थियो ।
कोशी प्रदेशमा उत्पादन गर्न सकिने कृषि बस्तुहरु, तिनको प्रशोधन, ब्राण्डिङ र बजारीकरणको बिषयमा बिशेष छलफल भएको थियो । नेपालमा आर्थिक रुपमा सक्षम तथा चलायमान रहेको नीजिक्षेत्र उधोग बाणिज्य महासंघले कृषिको प्रशोधन, ब्राण्डिङ र बजारीकरणमा आकर्षित गर्ने तथा बहुपक्षिय साझेदारी र सहकार्य गर्ने कार्यक्रमको उद्धेश्य हो ।
कार्यक्रममा कृषकहरुको समस्या, उधोगीहरुको समस्या, समाधानका उपायहरु र कृषिक्षेत्रको प्रशोधनमा रहेको संभावनाको बिषयमा महत्वपुर्ण छलफल भएको थियो । कोशी प्रदेशमा उत्पादन भईरहेको कृषिजन्य बस्तुहरुलाई प्रशोधन, ब्राण्डिङ गरि बजारीकरणमा कृषक, कृषि समुह, कृषि सहकारी, सरकार लगायतका सबै संग सहकार्य साझेदारी नगरी समग्र कृषिको बिकास नहुने कार्यक्रमको निश्कर्ष थियो ।
कार्यक्रममा नेपाली कृषिमा रहेको अवसर, भारतले गरिरहेको अभ्यास, कोशी प्रदेशको संभावनामा कृषक, कृषि उधमी, उधमी, स्थानीय सरकार, प्रदेश सरकार र नीजिक्षेत्रले गर्नुपर्ने आगामी मार्गदर्शन बारे प्रदेश कृषि मन्त्रालयका बिज्ञ डा. राजेन्द्र उप्रेतीले प्रस्तुती दिनुभएको थियो । प्रदेश कृषि सचिव डा. लेखराज दाहालले प्रमुख अथितिको आसनबाट बोल्नुहुदै प्रदेश सरकारले कृषिको बिभिन्न क्षेत्रमा साझेदारी गर्ने उद्धेश्य रहेको बताउनु भयो ।
कार्यक्रमको अध्यक्षता उधोग बाणिज्य महासंघ कोशी प्रदेशको उपाध्यक्ष भीम पौडेलले गर्नुभएको थियो ।
उधोग बाणिज्य महासंघ कोशी प्रदेशको अध्यक्षले कार्यक्मको सहजीकरण गर्नुभएकोमा बिष्णु प्रसाद आयार्च, बिष्णु काफ्ले, लगायत दर्जन बक्ताहरुले सम्बोधन गरेका थिए । स्वागत होटलमा भएको कार्यक्रमलाई संजिब पौडेलले संचालन गरेका थिए ।
