बहु विबाह मुद्धाका फरार प्रतिवादी पक्राउ
झापा, कार्तिक २० । बहु विबाह मुद्धाका एक जना फरार प्रतिवादीलाई जिल्ला प्रहरी कार्यालय झापाबाट खटिएको प्रहरी टोलीले पक्राउ गरेको छ ।
झापा जिल्ला अदालतको मिति २०६७।०५।०६ मा भएको फैसला तथा सो फैसला सदर गर्ने गरी तत्कालिन पुनरावेदन अदालत ईलामको मिति २०७१।१०।२७ गतेको फैसलाले १ बर्ष कैद र नगद रू. ५ हजार जरिवाना रही फरार रहेका कनकाई नगरपालिका- ३ का ४२ बर्षीय हरी भन्ने प्रेम प्रसाद अधिकारीलाई खोजतलास गर्ने क्रममा गाउँघरमा नै लुकिछिपी बसेको अवस्थामा फेला पारी पक्राउ गरेको हो ।
पक्राउ परेका उनलाई सम्मानित झापा जिल्ला अदालत चन्द्रगढीमा उपस्थित गराइएकोमा सम्मानित अदालतको आदेशले कैद भुक्तानको लागि कारागार कार्यालय झापा पठाएको ।
