उदयपुरमा फरार प्रतिवादीहरू पक्राउ
उदयपुर, कार्तिक २३ । ईलाका प्रहरी कार्यालय रामपुर ठोक्सिला उदयपुरबाट खटिएको प्रहरी टोलीले सार्वजनिक अपराध र गाली बेईज्जेती मुद्धाका ३ जना फरार प्रतिवादीहरुलाई पक्राउ गरेको छ ।
सार्वजनिक अपराध मुद्धामा सम्मानित उदयपुर जिल्ला अदालतको मिति २०७३।०५।१२ गतेको फैसलाले नगद १ हजार ४ सय ७५ रुपैया जरिवाना फैसला भएका बेलका नगरपालिका- ४ का ४५ बर्षीय गोरे भन्ने पुर्ण बहादुर तामाङ र सोही मुद्धामा मिति २०७३।०५।०६ गतेको फैसलाले नगद १ हजार ४ सय ५० रुपैया जरिवाना रहि फरार रहेका बेलका नगरपालिका- २ का ४५ बर्षीय घनश्याम चौधरीलाई पक्राउ गरेको हो भने गाली बेईज्जेती मुद्धामा सम्मानित उदयपुर जिल्ला अदालतको मिति २०६५।०२।२४ गतेको फैसलाले नगद ५० रुपैया जरिवाना तोकिएको बेलका नगरपालिका- ४ का ७२ बर्षीय गोबर्धन तामाङलाई खोजतलास गर्ने क्रममा गाउँ घरमा नै लुकिछिपी बसेको अवस्थामा बुधबार पक्राउ गरेको हो ।
पक्राउ परेका तिनै जनालाई तोकिएको जरिवाना फैसला कार्यान्वयनको लागि सम्मानीय उदयपुर जिल्ला उदयपुरमा बुझाईएको छ ।
