जिल्ला प्रशासन कार्यालय धनकुटामा राष्ट्रिय बाणिज्य बैंकको एक्सटेन्सन काउन्टर संचालनमा
धनकुटा,१८ मंसिर । सेवाग्राहीको सुविधाका लागि ध्यानमा राख्दै जिल्ला प्रशासन कार्यालय धनकुटामा राष्ट्रिय बाणिज्य बैंकले एक्सटेन्सन काउन्टर संचालनमा ल्याएको छ ।
अब जिल्ला प्रशासन कार्यालय धनकुटाको हाताबाटै सेवाग्राहीले राहदानीका लागि लाग्ने शुल्क बुझाउन पाउने छन् । यस अघि जिल्ला प्रशासनबाट उपलब्ध हुने सेवा लिँदा लाग्ने राजश्व जम्मा गर्न हुलाक टोल पुग्नु पर्ने बाध्यता थियो ।
एक्सटेन्सन काउन्टरबाटै राजश्व संकलनसँगै पेन्सन, नगद जम्मा र भूक्तानी सेवा समेत उपलब्ध गराइने बताइएको छ ।
