धनकुटामा बजार अनुगमन
धनकुटा,२६ मंसिर । धनकुटामा बजार अवस्था बुझन अनुगमन थालिएको छ ।
बजारमा हुन सक्ने अखाद्य बस्तु बिक्रिवितरण, कालोबजारी, कृतिम मूल्य बृद्धि लगायत बजारको अवस्था बुझ्नका जिल्ला प्रशासन कार्यलय धनकुटा , खाद्यप्रबिधि तथा गुण नियन्त्रण डिभिजन कार्यलय धनकुटा , घरेलु तथा साना उद्योग कार्यलय धनकुटा, उद्योग बाणिज्य संघ धनकुटा , पत्रकार, सुरक्षा निकाय राष्ट्रिय उपभोक्ता मञ्चका प्रतिनिधि, लगायतका सरोकार वालाहरुले धनकुटा सदरमुकामका बसपार्क क्षेत्रमा होटल तथा पसलको अनुगमन गरेको हो ।
अनुगमनका क्रममा व्यावसायीहरु लाई दर्ता गरेर व्यापार व्यावसाय गर्न, होटलहरुमा सरसफाइमा ध्यान दिन व्यावसाय नविकरण गर्न म्याद नाघेका व्यावसायी लाई व्यावसाय नविकरण गर्न लगायतका आवश्यक निर्देशन र परामर्श दिइएकोे जिल्ला प्रशासन कार्यलय धनकुटाका प्रशासकिय अधिकृत अंकित मंग्रातीले जानकारी दिए ।
