पाख्रिबासका युवा ब्यबसायी तामांगले गरे स्थानिय बिद्यालयलाई शैक्षिक सामाग्री सहयोग
धनकुटा । धनकुटा पाख्रिवासका एक युवाले स्थानिय बिद्यालयमा शैक्षिक सामाग्री हस्तान्तरण गरेका छन् ।
धनकुटाको हिलेमा होटल ब्यबसाय गर्दै आउनु भएका पाख्रिवास नगरपालिका वडा नम्बर ३ का सुवास तामाङ्गले बिद्यार्थीलाई शैक्षिक सामाग्री हस्तान्तरण गर्नु भएको हो ।
उहाँले पाख्रीवास ३ कै स्थानिय अनिबार्य नि:शुल्क आधारभुत बिद्यालय र पंचकन्या प्रा.बि.का ८३ बिद्यार्थीलाई सहयोग गर्नु भएको छ । उहाले कापी,कलम,झोला लगायतका करिब ५० हजार रुपैया बराबरको सामाग्री सहयोग गर्नु भएको हो ।
बिहिबार एक कार्यक्रम गरि पाख्रिवास नगरपालिकाका उपप्रमुख नम्रता गौतम र पाख्रिवास नगरपालिका ३ का वडाध्यक्ष सरोज राई को आतिथ्यता तथा स्थानिय समाजसेवी बिशाल तामाङ्ग, सुन्दर तामाङ्ग, अमित राई र महेन्द्र राई लयागतले सो सामाग्री बिद्यार्थीलाई हस्तान्तरण गरेको हो ।
बिद्यार्थीलाइ प्रोत्साहन गर्न तथा युवामा सहयोग गर्नुपर्छ भन्ने भाव जगाउन यो कार्य गरिएको सहयोगकर्ता सुवास तामाङ्गले बताउनु भयो ।
