धनकुटाको हिलेमा ४ अर्ब ८७ करोड रुपैयाँ लागतमा दूरसंचार महामार्गको उद्घाटन
धनकुटा ,७ पुष । नेपाल दुरसंचार प्राधिकरण र नेपाल टेलिकमबीच भएको संझौता अनुसार ग्रामिण दूरसंचार विकास कोषको ४ अर्ब ८७ करोड रुपैयाँ लागतमा उक्त दूरसंचार महामार्गको उद्घाटन गरिएको छ ।
शनिबार धनकुटामा आयोजना गरिएको एक कार्यक्रमका बिच सुचना तथा संचार मन्त्री रेखा शर्माले मध्यपहाडी राजमार्ग लक्षित दूरसंचार पूर्वाधार अप्टिकल फाइवर नेटवर्कको पूर्विखण्डको ६ सय ८३ किलोमिटर लामो नेपाल टेलिकमको हाइस्पीड नेटवर्क महामार्गको शनिबार धनकुटाको हिलेमा मन्त्री शर्माले उद्धघाटन गरेकी छन् ।
कार्यक्रममा बोल्दै मन्त्री शर्माले आर्थिक विकासका लागि इन्टरने सेवा अत्यावश्याक भएको बताएकी छन् । इन्टरनेट सेवा मनोरञ्जको मात्र नभएर आर्थिक विकासका लागि समेत अत्या आश्यक भएको बताएकी हुन् ।
नेपाल टेलिकमले संचालनमा ल्याएको अप्टीकल फाइवर नेटवर्कको पूर्वि खण्डले तेह्रथुमको म्याङलुङ, फिदिम, इलाम, विर्तामोड, चन्द्रगढी, इटहरी, धरान हुँदै धनकुटालाई समेट्नेछ । कार्यक्रममा जनप्रतिनिधि, विभिन्न निकाय कार्यलयका प्रमुख तथा प्रतिनिधीको उपस्थिती रहेको थियो ।
