पाख्रिबासमा तमु ल्होसारमा फुड फेस्टिबल
धनकुटा । धनकुटाको पाख्रिबासमा फुड फेस्टिबलको आयोजना हुने भएको छ ।
पर्यटकीय स्थल पाख्रिबासको धार्मिक स्थल गुम्बा रहेको क्षेत्रमा तमु ल्होसारको अवसर उक्त फुड फेस्टिवलको आयोजना हुने भएको हो ।
गुरुङ्ग समूदायको नयाँ वर्ष “तमु ल्होसार” को अवसर पारेर उक्त फुड फेस्टिबलको आयोजना गरिन लागेको हो ।
पाख्रिबासमा सक्रिय रहेको युवाहरुको संस्था पाख्रिबास युथ युनाइटेडको आयोजनामा पुस १४ देखि १६ गतेसम्म फुड फेस्टिवल हुनेछ ।
तीन दिनसम्म आयोजना हुने फेस्टिवलमा स्थानिय खानाका परिकार, स्थानिय संस्कृति झल्किने सांस्कृतिक कार्यक्रम साथै धरानको ब्याण्डको प्रस्तुति रहने आयोजक युनाइटेडका अध्यक्ष गणेश गुरुंगले जानकारी दिनु भयो ।
फेस्टिबलमा आउनेले पाख्रिबासमा रहेका सिमसार-तालतलैया,भ्यू टावर,बौद्द स्तुपा,पाथिभारा मन्दिर लगायतका रमणिय स्थलहरुको अवलोकन गर्न पनि सक्नेछन् ।
