धनकुटामा यसरी मनाइयो उधौली चाड
धनकुटा । किरात समुदायले आज उधौली पर्व भव्यताका साथ मनाएका छन् ।
मार्गशीर्ष शुक्ल अर्थात् मंसिरे पूर्णिमाको दिन आज उनिहरुले प्रकृति, पितृ र कुलदेवताको पूजा आराधना गर्दै यो पर्व मनाएका हुन् । यो पर्वलार्ई किरात समुदायले विशेष चाडको रुपमा लिने गर्दछन् ।
आफुहरुले लगाएका अन्नवाली किराती समुदायले आजको दिन प्रकृती, पितृ तथा कूलदेवतालाई चढाउने गर्दछन् । त्यसपछि एकअर्कावीच खुशी साटासाट गर्दै साकेला नृत्य नाच्ने गर्दछन् । यो अवसरमा आज धनकुटाको राईकुवा टोल स्थितको साकेला थानमा भव्य पूजा आराधना गरिएको छ ।
पूजा आराधनापछि किराती कलाकारहरुले साकेला पार्कमा साकेला नृत्य,ढोलनाच प्रस्तुत गरेको किरात राई यायोक्खा जिल्ला कार्य समिती धनकुटाले जनाएको छ ।
उधौलिकै अवसरका पौष १४ गते धनकुटाको टुडिखेलमा भव्य कार्यक्रमको आयोजना गरिने यायोक्खाले जनाएको छ ।
