बेलबारीका काका-भतिजको दुर्घटनामा मृत्यू
सुनसरी । सुनसरीको खनारमा भएको दुर्घटनामा काका भतिजको मृत्यु भएको छ । बेलबारी नगरपालिका-८ का करीव २५ वर्षीय विपन दाहाल र उनका भतिज करीव ७ वर्षीय अवि दाहालको मृत्यु भएको प्रहरीले जनाएको छ ।
शुक्रबार अपरान्ह करिव ३ बजेतिर विराटनगरबाट इटहरीतिर जाँदै गरेको प्रदेश १-०२-०४१ प ७६१९ नम्बरको मोटरसाइकल विपरित दिशाबाट आएको प्रदेश १-०२-००१ क ३९७८ नम्बरको ट्रकसँग ठोक्किएको थियो ।
इटहरी उपमहानगरपालिका-१२ स्थित खनारमा भएको उक्त दुर्घटनामा काका भतिजको घटनास्थलमै मृत्यु भएको प्रहरीले जनाएको छ । मोटरसाइकलमा सवार अर्का व्यक्तिको भने विराटनगरमा उपचार भइरहेको जनाइएको छ ।
प्रहरीले ट्रकका चालक इटहरीका प्रदिप कोइरालालाई नियन्त्रणमा लिएको पनि जानकारी दिएको छ ।-
