उदयपुरमा बस र मोटरसाइकल ठोक्किँदा मोटरसाइकल चालकको ज्यान गयो
उदयपुर । उदयपुरको त्रियुगा नगरपालिका–७ कालिखोला होक्सेमा सडक दुर्घटना हुँदा एक जनाको ज्यान गएको छ ।
मदन भण्डारी राजमार्गको गाईघाट–कटारी सडक खण्डमा पर्ने सो स्थानमा यात्रुवाहक बस र मोटरसाइकल ठोक्किँदा मोटरसाइकल चालकको ज्यान गएको हो । ज्यान गुमाउनेमा सूर्योदय नगरपालिका–३ इलामका २४ वर्षीय प्रगति राई रहेको उदयपुर प्रहरीले जनाएको छ ।
कटारीबाट गाईघाट जाँदै गरेको स १ ख ८१६ नम्बरको यात्रुवाहक बस र प्रदेश १–०१–०१६ प ४६७ नम्बरको मोटरसाइकल एक आपसमा ठोक्किँदा सो दुर्घटना भएको थियो ।
