इलाममा बोलेरो गाडी खोलाले बगाउदा १ बालक सहित २ जनाको मृत्यु
इलाम, जेठ २२ गते । इलामको चुलाचुली गाउँपालिका- ५ चपेटी स्थितमा बोलेरो गाडीलाई खोलाले बगाउदा १ बालक सहित २ जनाको मृत्यु भएको छ ।
हिजो बेलुका ६ बजे दमकदेखि माङ्सेबुङतर्फ जाँदै गरेको लु. १ च ९४९१ नम्बरको बोलेरो गाडीलाई रतुवा खोला पार गर्ने क्रममा खोलामा आएको बाढीले गाडी बगाइ बेपत्ता भएको भन्ने खबर प्राप्त भएसगै खटिएको प्रहरी टोलीले खोजतलास गर्ने क्रममा घटनास्थल देखि अन्दाजी २ किलोमिटर आसपासमा माङ्सेबुङ गाउँपालिका- ५ की ३१ बर्षीय सर्मिला वानेम र माङ्सेबुङ गाउँपालिका- ३ का निरु लिम्बुको ३ बर्षीय छोरा निहाङ लिम्बुलाई मृत अवस्थामा फेला पारेको थियो ।
घटनामा परी घाईते भएका २७ बर्षीय निरु लिम्बुको लाइफ लाइन अस्पतालमा उपचार भईरहेको छ ।
चालक माङ्सेबुङ गाउँपालिका- ५ का २२ बर्षीय नेत्रहाङ राईलाई नियन्त्रणमा लिई थप अनुसन्धान भईरहेको छ ।
