ऐतिहासिक राधाकृष्ण रथयात्रालाई सभ्य र भव्य बनाउन मेयर कोइरालाको आग्रह

विराटनगर । विराटनगर महानगरपालिकाका मेयर नागेश कोइरालाले विराटनगरमा आज मंगलबार निकालिने ऐतिहासिक राधाकृष्णको रथयात्रामा सभ्य र भव्य बनाउन आग्रह गर्नुभएको छ ।

रथयात्राको सफलताको शुभकामना दिँदै मेयर कोइरालाले विराटनगरको प्रतिष्ठासित जोडिएको रथयात्रालाई भव्य र सभ्य बनाउनु हरेक विराटनगरवासीको कर्तव्य भएको बताउनुभएको छ । रथयात्रामा सहभागी हुने ज्येष्ठ नागरिक र बालबालिकाप्रति विशेष ख्याल राख्न मेयर कोइरालाले आग्रहसमेत गर्नुभएको छ ।

‘यस रथयात्रालाई विराटनगर महानगरपालिकाले विशेष महत्वका साथ लिने गरेको छ । रथयात्राको अवसर पारेर महानगरपालिकाले आज सार्वजनिक विदासमेत दिएको छ । रथयात्रालाई सफल बनाउन महानगरपालिकाका तर्फबाट आयोजक समितिले आवश्यक ठानेका सबै किसिमका सहयोग उपलब्ध गराउँदै आएको जानकारी गराउन चाहन्छु,’ शुभकामना सन्देशमा मेयर कोइरालाले उल्लेख गर्नुभएको छ, ‘५६ औं संस्करणका रुपमा आज निकालिन लागिएको रथयात्राले आपसी सद्भाव, एकता र सहिष्णुतालाई थप कसिलो बनाउँदै विराटनगरलाई सफा, सुन्दर, हरियाली, विकसित र व्यवस्थित महानगरपालिका बनाउन सबैमा उत्प्रेरणा जागृत होस् ।’

उहाँले नेपाल बहुभाषी र बहुसांस्कृतिक मुलुक भएको बताउँदै यहाँ विभिन्न धर्म, सम्प्रदाय तथा संस्कार र संस्कृतिहरू अस्तित्वको उल्लेख गर्नुभएको छ । एकअर्काको संस्कार र संस्कृतिको कदर गरी मिलेर बस्नु नेपालीहरूको मुख्य विशेषता भएको बताउँदै कोइरालाले विराटनगर उक्त सबै विशेषता अटाउने सहर भएको दाबी गर्नुभएको छ ।

‘सानो क्षेत्रफलभित्र विभिन्न जाति, भाषा, धर्म, संस्कृतिलाई अंगिकार गर्ने समुदाय बसोबास गर्दछ । विराटनगरलाई विविधतामा एकता भएको सहरका रुपमा लिन सकिन्छ,’ मेयर कोइरालाको सन्देशमा भनिएको छ, ‘नेपालभित्र मनाइने विभिन्न चाडपर्व र उत्सवले आपसी सद्भाव र एकतालाई थप बलियो बनाउने गरेको छ । राधाकृष्णको रथयात्राले पनि आपसी सद्भाव र एकतालाई अझै प्रगाढ बनाउँदै लगेको मैले महसुस गरेको छु ।’

कोइरालाले महङ्गा गरगहना नलगाउन हुन, आफ्ना सामानको सुरक्षा गर्न, विराटनगर सौन्दर्यकरण अभियानअन्तर्गत रोपिएका फल र विरुवाको संरक्षण गर्नसमेत विशेष आग्रह गर्नुभएको छ ।

मोहन राई

मोहन राई

(राई धनकुटा खबरका सह-सम्पादक साथै नेपाली समाचार डटकम,टुडेप्रेस डटकम र नेपाली समाचार साप्ताहिकमा समेत आवद्द छन् । )

More Posts - Website

Follow Me:Add me on XAdd me on YouTubeAdd me on InstagramAdd me on TikTokAdd me on Threads



धनकुटा खबर नेटवर्क सर्भिस प्रा. लि. पाख्रिबास-४,धनकुटा
सूचना विभाग दर्ता नं. : ५४६/०७४-७५
स्थायी लेखा नम्बर(PAN) : ६०४३५२३९६
कम्पनी दर्ता नम्बर : १५८५६१/०७३/०७४

हाम्रो टिम


प्रबन्ध निर्देशक / सम्पादक : विष्णु विक्रम निरौला
सह-सम्पादक : मोहन राई
धनकुटा संवाददाता : शर्मिला राई, विकास घिमिरे
इटहरी संवाददाता : निर्मला कार्की
राशिफल : ज्यो . पं . सरोज घिमिरे
कानुनी सल्लाहकार : बम बहादुर खत्री

संजालमा/सम्पर्क

Facebook
X
YouTube
Instagram
news.dhankutakhabar@gmail.com
✆ ९८६०८४५४७४,९७६४४५७४४४

© २०७३-२०८३ सर्वाधिकार धनकुटा खबर नेटवर्क सर्भिस प्रा. लि.मा सुरक्षित ।

✖