झापामा कृषि फार्मका सञ्चालकको नहरमा डुबेर मृत्यु
झापा । झापाको मेचीनगरमा रहेको कृषि फार्मका सञ्चालकको नहरमा डुबेर मृत्यु भएको छ ।
हिजो दिउँसो १ बजे मेचीनगर ७ मदनबस्तीस्थित चन्द्र काफ्लेको जग्गा भाडामा लिई कृषि फार्म सञ्चालन गर्दै आएका मेचीनगर ६ काँकरभिट्टाका ५८ वर्षीय पुण्यप्रसाद सत्यालको नहरमा डुबेर मृत्यु भएको हो ।
उनी आफ्नै कृषि फार्मको छेउमा रहेको नहरमा डुबेर मृत अवस्थामा भेटिएका थिए । इलाका प्रहरी कार्यालय काँकरभिट्टाबाट प्रहरी टोली खटिएर थप अनुसन्धान जारी रहेको जिल्ला प्रहरी कार्यालय झापाले जनाएको छ ।
