जब मानवसेवा आश्रमका आमाहरुसित मेयर कोइराला छमछमी नाचे…

विराटनगर । विराटनगर महानगरपालिकाका मेयर नागेश कोइरालाले विराटनगर–१० तीनटोलियास्थित मानवसेवा आश्रममा आश्रितहरूसित खुसी साटासाट गर्नुभएको छ । मेयर कोइरालाले आश्रमका आमाहरूसित गीतका गीतमा नाचेर खुसी साट्नुका साथै हौसलासमेत दिनुभयो ।

महानगरपालिकाले तीजका अवसरमा आश्रम परिसरमा आयोजना तीज मिलन कार्यक्रममा मेयर कोइराला आश्रित आमा र दिदीबहिनीहरूसित नाचेर खुसी साट्नु भएको छ । मेयर कोइराला तीजका गीतमा आश्रित आमा तथा दिदीबहिनीहरूसित छमछमी नाँच्नुभयो । मेयर नाचेपछि आश्रित आमा र दिदीबहिनीहरू पनि खुसीले उफ्रीउफ्री नाचेका थिए ।

हिन्दू नेपाली महिलाहरूको महान चाड तीजमा आश्रित दिदीबहिनीहरूसित रमाइलो गर्ने र उनीहरूभित्र रहेको पीडालाई भुलाउने उद्देश्यले कार्यक्रम आयोजना गरिएको महानगरले जनाएको छ । महानगरपालिका मानवसेवा आश्रम संरक्षकसमेत हो । महिला र पुरुष राखेको दुवै भवनको घरभाडा महानगरले नै तिर्दै आएको छ । आश्रित आमा र दिदीबहिनीहरूलाई तपाईंहरूको अभिभावकका रुपमा महानगरपालिका छ भन्ने विश्वास दिलाउन कार्यक्रम आयोजना गरिएको मेयर कोइरालाले बताउनुभयो ।

‘विभिन्न कारणले आश्रम बस्न बाध्य महिला दिदीबहिनीहरूलाई सिंगो महानगरपालिका तपाईंहरूको साथमा छ भन्नका लागि पनि म आफैं उपस्थित भएको छु’ मेयर कोइरालाले भन्नुभयो, ‘मानवसेवा आश्रमका लागि महानगरले विगतदेखि नै सहयोग गर्दै आएको छ र भविष्यमा पनि गर्नेछ ।’

सो अवसरमा आश्रितलाई तीजका विशेष परिकार खुवाउनुका साथै तीजका गीतमा नाचेर रमाइलो गरिएको थियो । त्यस्तै महानगरका तर्फबाट मेयर कोइरालाले ८४ थान झुल, ९४ कार्टुन विभिन्न खाजाका परिकारहरूसमेत प्रदान गर्नुभएको थियो । छोटो समयमा अत्यन्तै राम्रो र फलदायी कार्यक्रम भएको कार्यक्रम संयोजक पुनमकुमार दाहालले बताउनुभयो ।

मानवसेवा आश्रमले महिला र पुरुषलाई बेग्लाबेग्लै स्थानमा राखेको छ । तीनटोलियाको आश्रममा २ वर्षका बालबालिकादेखि ९२ वर्षका ज्येष्ठ महिलाहरूले आश्रय लिएको प्रविण खड्काले जानकारी दिनुभयो । त्यस्तै पुरुष वन कार्यालय छेउको आश्रममा ७० जना पुरुषलाई राख्ने व्यवस्था मिलाइएको आश्रमकी पार्वती तिवारीले जानकारी दिनुभयो ।

मोहन राई

मोहन राई

(राई धनकुटा खबरका सह-सम्पादक साथै नेपाली समाचार डटकम,टुडेप्रेस डटकम र नेपाली समाचार साप्ताहिकमा समेत आवद्द छन् । )

More Posts - Website

Follow Me:Add me on XAdd me on YouTubeAdd me on InstagramAdd me on TikTokAdd me on Threads



धनकुटा खबर नेटवर्क सर्भिस प्रा. लि. पाख्रिबास-४,धनकुटा
सूचना विभाग दर्ता नं. : ५४६/०७४-७५
स्थायी लेखा नम्बर(PAN) : ६०४३५२३९६
कम्पनी दर्ता नम्बर : १५८५६१/०७३/०७४

हाम्रो टिम


प्रबन्ध निर्देशक / सम्पादक : विष्णु विक्रम निरौला
सह-सम्पादक : मोहन राई
धनकुटा संवाददाता : शर्मिला राई, विकास घिमिरे
इटहरी संवाददाता : निर्मला कार्की
राशिफल : ज्यो . पं . सरोज घिमिरे
कानुनी सल्लाहकार : बम बहादुर खत्री

संजालमा/सम्पर्क

Facebook
X
YouTube
Instagram
news.dhankutakhabar@gmail.com
✆ ९८६०८४५४७४,९७६४४५७४४४

© २०७३-२०८३ सर्वाधिकार धनकुटा खबर नेटवर्क सर्भिस प्रा. लि.मा सुरक्षित ।

✖