एनपिएल अक्सनमा ८० खेलाडीका लागि झन्डै ६ करोड खर्च

काठमाडौं । नेुाल प्रिमियर लिग(एनपिएल) को अक्सनमा आइतवार ८ फ्रेन्चाइज टोलीले कुल ५ करोड ९२ लाख ५० हजार रुपैयाँ खर्च गरेका छन्।

८० खेलाडी खरिद गर्न सो रकम खर्च गरेको हो। अक्सन सकिंदा मार्की खेलाडी सहित सबै टोलीको खेलाडी सङ्ख्या समान ११ पुगेको छ।

अक्सनमा सबैभन्दा महँगो टोली लुम्बिनी लायन्स बन्यो। उसले खेलाडी किन्न ८४ लाख ७५ हजार रुपैयाँ खर्च गरेको छ। खेलाडीको अक्सनका लागि हरेक टोलीलाई ९० लाख रुपैयाँको सिमा तोकिएको थियो।

दोस्रो महँगो टोली बनेको पोखरा एभेन्जर्सले १० खेलाडीका लागि ८० लाख ५० हजार रुपैयाँ खर्च गर्यो। ७९ लाख २५ हजार खर्च गर्दै जनकपुर बोल्ट्स तेस्रो महँगो टोली बन्न पुग्यो।

चितवन राइनोज सबैभन्दा कम खर्च गर्ने टोली बन्यो। उसले मात्र ६३ लाख रुपैयाँ खर्च गर्दै १० खेलाडी खरिद गर्दा २७ लाख रुपैयाँ जोगाएको छ।

ए क्याटगोरीमा २७ खेलाडी थिए। ती सबै खेलाडीले लिग खेल्ने भएका छ्न् । २७ मध्ये २४ खेलाडी ए क्याटगोरीमा बिक्री भए। तीन खेलाडी हेमन्त धामी, सुनाम गौतम र अर्जुन साउद बी क्याटगोरीमा झरेर विक्री भएका हुन्।

अक्सनमा ए क्याटगोरीमा १५ लाख सबैभन्दा बढी रकम तोकिएको थियो। १५ लाखमा १२ खेलाडी खरिद गरिएको छ।

यसअर्थ अक्सनका महँगा मध्ये ३ खेलाडी लुम्बिनीले खरिद गरेको छ। लुम्बिनी लक्की ड्रमा भाग्यमानी बन्यो। उसले सूर्य तामाङ, विवेक यादव र सन्दीप जोरालाई समान १५ लाख रुपैयाँमा खरिद गर्यो। लुम्बिनीसँग कुल ४ ए क्याटगोरीका खेलाडी छन्। अर्जुन साउदलाई भने बी क्याटगोरीको बेस प्राइस ५ लाख रुपैयाँमा खरिद गरेको हो।

काठमाडौं, विराटनगर, जनकपुरले समान २ खेलाडीलाई समान १५ लाख रुपैयाँमा खरिद गरेको छ। काठमाडौंले साहब अलाम र भीम सार्की तथा विराटनगरले लोकेश बम र प्रतिश जिसीलाई खरिद गरेको हो। यसैगरी जनकपुरले ललित नारायण राजवंशी र अनिल शाह लक्की ड्र मा प्राप्त गर्यो।

सबैले किन्न चाहेका अनि आफ्नो टिममा खरिद गर्न चाहेको गुलशन झालाई कर्णालीले लक्की ड्र मार्फत प्राप्त गर्यो। पोखराले सागर ढकाल र सुदुरले आरिफ शेखलाई समान १५ लाख रुपैयाँमा भित्रायो।

लक्की ड्रमा एकपटक पनि भाग्यमानी बन्न नसकेको चितवनले १५ लाख रुपैयाँमा कुनैपनि खेलाडी खरिद गरेन। उसले रिजन ढकाल, कमल सिंह ऐरी र शरद भेषावकरलाई समान १० लाखमा आबद्ध गर्यो।

अक्सनमा कुल १ सय ६२ खेलाडीको नाम रहेको थियो। प्रत्येक टिमले ए र सी क्याटगोरीबाट समान ३ र बी क्याटगोरीबाट ४ खेलाडी खरीद गर्नुपर्ने नियम थियो। अक्सनमा कुनैपनि टिमले ९० लाख खर्च गर्न सकेनन्।

रणनीतिसँगै अक्सनमा भाग्यको साथ पनि उतिकै जरूरी मानिन्छ। जहाँ कर्णाली र लुम्बीनी लक्की टोली बने। लक्की ड्रमा चितवनले एक खेलाडी पनि आफ्नो बनाउन सकेन।

मार्की खेलाडीले यसअघि जनही २० लाख प्राप्त गर्ने घोषणा भैसकेको छ। मार्की खेलाडीको रकम पनि जोड्दा ८ टोलीले ७ करोड ५२ लाख ५० हजार रुपैयाँ ८८ खेलाडी खरीदमा गर्न खर्च गरिसकेका छन्।

अब हरेक टोलीले १ एसोसिएटसहित ४ विदेशी तथा १ ट्यालेन्ट हन्टबाट गरि ५ खेलाडी राख्न बाँकी छ।

मोहन राई

मोहन राई

(राई धनकुटा खबरका सह-सम्पादक साथै नेपाली समाचार डटकम,टुडेप्रेस डटकम र नेपाली समाचार साप्ताहिकमा समेत आवद्द छन् । )

More Posts - Website

Follow Me:Add me on XAdd me on YouTubeAdd me on InstagramAdd me on TikTokAdd me on Threads



धनकुटा खबर नेटवर्क सर्भिस प्रा. लि. पाख्रिबास-४,धनकुटा
सूचना विभाग दर्ता नं. : ५४६/०७४-७५
स्थायी लेखा नम्बर(PAN) : ६०४३५२३९६
कम्पनी दर्ता नम्बर : १५८५६१/०७३/०७४

हाम्रो टिम


प्रबन्ध निर्देशक / सम्पादक : विष्णु विक्रम निरौला
सह-सम्पादक : मोहन राई
धनकुटा संवाददाता : शर्मिला राई, विकास घिमिरे
इटहरी संवाददाता : निर्मला कार्की
राशिफल : ज्यो . पं . सरोज घिमिरे
कानुनी सल्लाहकार : बम बहादुर खत्री

संजालमा/सम्पर्क

Facebook
X
YouTube
Instagram
news.dhankutakhabar@gmail.com
✆ ९८६०८४५४७४,९७६४४५७४४४

© २०७३-२०८३ सर्वाधिकार धनकुटा खबर नेटवर्क सर्भिस प्रा. लि.मा सुरक्षित ।

✖